ضحكات الحزن

انة ما اكلك عليك اشكد اموت
وما اكلك شنهو معناتك الي

انتة مني اشلون هارون واخيه
مني منزلتك محمد من علي

وانتة ماي وگربة موجودة بشفاك
وانة ضامي شبيك خليني ارتوي

وية مايك جن جهنم بيهة نار
وعمي قابل بيهة خليني انجوي

جن طيور بمرقد وشعرك يطير
احلة لقطة بهبتة وجتفك غصن

وانتة نجمة وعطرت طول المساء
استلطفتهة الگاع رفقتهة ابلحن

وصار خدك منهج ايدرس الشفاه
ورسب كلمن بيك حاول يمتحن

وانتة كل امراضي مارايد تطيب
وكون اسويلك على امراضي سجن

وانتة جنة بعينك وحور اباديك
ومن وجنتك شفنة ضحكات الحزن

وانتة صوتك اشبه ابوقت الغروب
وشبهينة بنغمتك وجه الوسن

ويا ترافة مشيتك جنهة الغيوم
ومرة تمطر ما رضت مرة تحن

وانتة ثورة وثارت بنص الظلام
جدح رمشك نور الظلمة وهج

وانتة قائد جيش سيفك من حرير
وجن جوادك صبح والوردة سرج

وحتة من تمشي تسوي الما يصير
تنطويلك گاع ربك والدرب

من مشيتك كاعنة اتركز تكوم
وتعرگ الگيعان من كثر التعب

فلذلك شوف كل هاي البحور
ابسبب رجلك فاضت وجاهة الغضب




وشكرا

مشكور على المرور الجميل